Vågå formannskap har med heimel i plan- og bygningslova § 12-14 vedteke å sende forslag til mindre endring av detaljreguleringsplan for Gjendeosen-Reinsvangen på høyring. Planendringa er utløyst av behovet for innarbeiding av sikringssoner for ny drikkevasskjelde for servicebygget på Gjendeosen. Det er elles gjort mindre endring i plankartet ved at regulert trafikkareal aust for det nye servicebygget på Gjendeosen er redusert i samsvar med dagens opparbeiding, samt at ein eksisterande turstig er vist i plankartet.