Vågå kommune innhentar samtykke på vegner av NVE i samband med undersøkingane.

Undersøkingane omfattar boring i fleire punkt i sentrum. Ved enkelte punkt vil det også bli installert utstyr for måling av grunnvatn (poretrykksmåling). Dette er førebelse undersøkingar for å få betre kunnskap om grunnforholda i området.

Område der det er planlagt undersøkingar er vist i kartet nedanfor.

Undersøkingane er avgrensa i omfang og vil i hovudsak gi mindre, mellombelse inngrep. Eventuelle skadar eller ulemper som følgje av arbeidet vil bli utbetra eller erstatta.

Kor lang tid arbeidet vil ta er førebels usikkert, men det må påreknast noko anleggsaktivitet i området i perioden.

Grunneigarar som blir direkte råka vil bli kontakta av kommunen for nærare avklaringar og samtykke.

Dersom du har særlege behov eller omsyn som det bør takast høgd for, ber vi om at du tek kontakt.