Skulane og barnehagane går føre med opprydding etter flaumen
Etter flaumen i oktober ligg det store mengder avfall og glasopor langs Ottavassdraget. Eit koordinert arbeid er no sett i gang for å sikre opprydding.
Barnehagane og skulane i Vågåmo og på Lalm går føre som gode eksempel, og tek ein ryddedugnad tysdag 20. november.
Dei vil bruke dagen til å rydde så mykje som råd i området frå Finnbrua og mot Vanglandet, som er eit svært populært turområde.
Ønskjer du og å bidra?
Andre som ønskjer å bidra til oppryddinga, kan få utdelt sekkar i servicetorget på kommunehuset. Det er plassert ut containarar i Vanglandet, ved YX og ved Coop på Lalm. Det er også mogleg å levere på miljøstasjonen. Berre sei frå at det gjeld opprydding etter flaumen.
Er du grunneigar i flaumområdet
Alle grunneigarar er spesielt oppmoda om å ta ei opprydding på eigen eigedom før vårflaumen kjem. Ansvaret for grunneigar er også heimla i forureiningslova §28. Glasopor AS kan også kontaktast om sekker, container eller inntransport av innsamla glasopor. Sjå Glasopor AS sine sider for meir informasjon
Publisert av Roar Strand
Sist endret 16.11.2018 10.28