Når det brenn er kvart sekund viktig. For å redde seg ut av ein bustad som fylles raskt opp av røyk, så er det avgjerande med tidleg varsling for å redde seg sjølv og dei andre i bustaden.
Bytt batteri i røykvarslaren
Alle bustadar skal ha røykvarslarar eller brannalarmanlegg, og du må ha minst ein varslar i kvar etasje. Alarmen skal kunne høyrast tydeleg på opphaldsrom og soverom, også når døra mellom romma er lukka.
Ein fungerande røykvarslar er vaken og følgjer med, også når du søv. Sørg for å gå brannsesongen i møte med nye batteri, og kontroller at du høyrer varslaren godt.
Desember og januar mest brannfarleg
Desember og januar er årets mest hektiske månader for brannvesen i Norge.
Vi er meir innomhus, fyrar i peisen, lager feit mat på komfyren, tenner levande ljos og det blir og brukt meir alkohol. Denne kombinasjonen auker faren for at noko kan skje.
Info-stand ved Coop Mega 2. desember
Måndag 2. desember treff du oss utanfor Coop Mega i Vågåmo, seier brannsjef Bjørn Tore Aspen. Der står vi saman med lokalt el-tilsyn og informerer om branntryggleik, slik at alle kan gå ei trygg juletid i møte.