Hovudformålet med planarbeidet er sikring av Vågåmo mot flaum og flaumskred. I samband med NVE sitt arbeid med utgreiing av sikringstiltak er det gjennomført omfattande grunnundersøkingar og fagutgreiingar. Meir detaljert kunnskap om området viser at det er behov for å utvide plangrensa i tre område, som omtalt under.

1. Utviding mot nord langs Nugga elv for plassering av fangnett for flaumskred høgare opp i vassdraget, samt tilkomst til skrednetta.

2. Mindre justering på gnr 26 bnr 1 nord for Finna for å gi moglegheit for betre arrondering av midlertidige anleggsområde på dyrka mark.

3. Utviding mot aust langs Rv15 for å sikre nødvendig planavklaring av tiltak knytt til overvassleidning og tilkomst til denne.

Etter dei utvidingar av planområdet som blir varsla nå, er planområdet avgrensa slik det går fram av kart under. Samla utviding av planområdet utgjer 50 dekar. Planområdet er etter utviding 4 687 dekar stort.

Kartutsnitt som viser planområde, utviding vist med raud line

Sjå saksdokument nedanfor for meir informasjon om bakgrunnen for endra plangrense:

Områderegulering Vågåmo - varsel om utvida plangrense (PDF, 894 kB)

Frist for innspel eller merknader som gjeld utvidinga av planområdet blir sett til 03.04.2025
Innspel og merknader skal sendast til: Vågå kommune, Edvard Stormsveg 2, 2680 Vågå
eller til postmottak@vaga.kommune.no.