Nytt tilbod innan helseberedskap
I dag, 7. februar, går startskotet for eit felles prosjekt mellom regional legevakt i Nord-Gudbrandsdalen og Sjukehuset innlandet ved prehospitale tenester.
Prosjektet går ut på at det i norddalen skal vere ein ambulerande, bemanna legevaktbil med paramedic. Denne skal vere i dialog med legevakt, med mål om å få ned talet på innleggelser på sjukehus og behov for legevaktbesøk.
Pasienten kan, under besøket av paramedic, kommunisere direkte med legevakt slik at rett tiltak/behandling blir gitt. Tilbodet vil bli nytta i tilfelle der det ikkje er openbart behov for ambulanse.
Målet er at prosjektet skal bidra til økt beredskap i heile regionen, og sikre kunnskaps- og kompetansedeling på tvers av tenester og famområde. I fyrste omgang blir prosjektet prøvd ut i 3 mnd før det blir evaluert.
Tider for vaktordning:
- Torsdag - Fredag, kl 16.00 - 22.00
- Laurdag - Søndag, kl 12.00 - 20.00
Særskilt for påska 2019:
- Måndag - onsdag, kl 16.00 - 22.00
- Skjærtorsdag - 2. påskedag, kl 12.00 - 20.00
Publisert av Roar Strand
Sist endret 07.02.2019 14.53