Vågå kommune sender med dette utkast til revidert forskrift om rett til langtsidsopphald og bustad tilrettelagt for heildøgnstenester (PDF, 98 kB) på offentleg høyring.
Gjeldande forskrift, FOR-2014-06-13-799, er kunngjort på lovdata.
Gjeldande forskrift inneheld ikkje vurderingsmoment for bustad særskilt tilrettelagt for heildøgnstenester. Kommunedirektøren har med bakgrunn i dette utarbeidd nye vurderingsmoment. Endring frå kunngjort versjon står med grøn skrift.
Personar som får tildelt bustad tilrettelagt for heildøgnstenester blir definert som heimebudande og vil få tildelt helse- og omsorgstenester etter individuell vurdering.
På bakgrunn av innkomne høyringssvar vil det bli vurdert endringar i vedlagte reviderte forskrift. Høyringssvar vil bli samla i eit høyringsdokument som blir vedlagt saksframlegg til behandling i kommunestyret.
Plan for behandling av forskrifta:
- Hovudutval for oppvekst, kultur og omsorg 28.11.23
- Rådet for eldre og funksjonshemma 30.11.23
- Forskriftsvedtak- Behandling i Kommunestyret 14.12.23
- Mål om kunngjering i Norsk Lovtidend innan januar 2024.
Høyringssvar sendast postmottak@vaga.kommune.no innan 2.11.23