Årsplan 2022-2023 (PDF, 545 kB)
Lalm barnehage er ein tre-avdelingsbarnehage: Nøtteliten 0-2 år, Knærten 2-3 år og Goliat 3 - 6 år. Det er ein pedagogisk leiar på kvar avdeling. I tillegg til pedagogane arbeider det både barnepleiarar og barne- og ungdomsarbeidar. Vi har faste vikarar som vi bruker gjennom heile året.
Barnehagen ligg under same tak som skulen. I og med at skulen og barnehagen ligg så tett i tett blir det noko samarbeid.
Døme på samarbeid: elevar som les for barnehageungar, leik ute/inne, måltid saman, ulike framsyningar for kvarandre, fadderopplegg.
Uteområdet vårt er vi veldig stolte av. Vi bur midt i skogen, men samstundes midt i sentrum av Lalm. Vi har ljosløype rett utanfor døra, stor og flott ballbinge, handballbane, fotballbane, klatrestativ, husker, fin akebakken og mykje meir. Vi har eit inngjerda uteområde til de minste i barnehagen. Det er kort avstand til idrettsplass, lavo, gapahuk, ishockeybane og skogsområde. Vi disponerar også det lokale samfunnshuset så mykje vi vil gjennom heile barnehageåret.
Kva er bra med Lalm barnehage?
- Samlokalisering med barneskule
- Fint uteområde
- Lett tilgang til idrettstilbod av mange slag
- Lette og lyse lokale
- Femåringane har svømmeopplæring / vanntilvenning på Vågå Hotel
- Vi har to måltid kvar dag, lunsj og frukt / brød / knekkebrød om ettermiddagen. I tillegg har vi varmmat to dagar i veka.
- Vi har god " boltreplass ", både inne og ute. Vi held oss godt innafor / over arealnormen i fylgje Barnehageloven, 4 kvadratmeter for barn over tre år og 6 kvadratmeter for barn under tre år.
