Klaus Vatne er ein artist frå Bergen som har vore aktuell sidan 2011 med eigne tonesetjingar av Jon Fosses «Songar» (Samlaget 2009 ). Klaus har framført «Songar» ved fleire scener i Bergen, Litteratursymposiet, WT litteraturfestival i Os, Hovudbiblioteket i Bergen og fleire fylkesbibliotek. Han har vitja «Vaksne Herrars Orkester" og dessutan vist fram songane sine til eit begeistra publikum på viseshowet "Thorsen og di" der mellom anna Helge Jordal og Katrine Lunde McKenzie medverka.

Musikken hans er blitt spelt på P1 og andre stasjonar. Han har fått omtale fleire gonger i Bergens Tidende, Vaksdalposten og Framtida. Han har Jon Fosse-prosjektet som hovudsatsing, og har jamnleg konsertar.